Gen Z आन्दोलनपछि तोडफोड भएको एमाले केन्द्रीय कार्यालय विदेशका नेपाली युवाले पुनःनिर्माण गर्ने
EcoEcoPolitics३ हप्ता अगाडि
काठमाडौँ, कात्तिक १३ —Gen Z Revolution of Nepal(जेनजी आन्दोलन) का क्रममा तोडफोड र आगजनीमा परेको नेकपा (एमाले) केन्द्रीय कार्यालय पुनःनिर्माण विदेशमा रहेका नेपाली युवाहरूले गर्ने भएका छन्।
एमाले केन्द्रीय कार्यालय सचिव डा. भीष्म अधिकारीका अनुसार, पुनःनिर्माणका लागि विभिन्न देशमा रहेका नेपाली युवाहरूले फोन र सन्देशमार्फत आर्थिक सहयोग गर्ने प्रतिबद्धता जनाएका छन्। उनका अनुसार करिब १० करोड रुपैयाँ लागतमा नयाँ संरचना निर्माण गर्ने तयारी भइरहेको छ।
“देशभित्रका सदस्यसँगै विदेशमा रहेका हाम्रा युवाहरूले पनि पार्टी कार्यालय पुनःनिर्माणमा योगदान गर्ने इच्छा व्यक्त गरेका छन्,” डा. अधिकारीले भने, “यो भवनले न केवल संगठनको पुनर्जागरणको प्रतीक बन्नेछ, बरु नयाँ पुस्ताको राजनीतिक जागरणको पनि संकेत दिनेछ।”
जेनजी आन्दोलनका क्रममा उत्पन्न तनाव र झडपका कारण एमाले कार्यालयमा व्यापक क्षति पुगेको थियो। पार्टीले जलेकै भवनलाई पुनःनिर्माण गरी सोही ठाउँमा पुनः पार्टी कार्यालयका रूपमा सञ्चालन गर्ने निर्णय गरेको जनाएको छ।
उक्त पुनःनिर्माण अभियानलाई पार्टीले“युवा ऐक्यबद्धता र पुनःउठान”नाम दिँदै विशेष अभियानका रूपमा अघि बढाउने तयारी गरेको बताइएको छ।
